Реал Мадрид стигна до 15. титула во Лигата на шампионите, подобрувајќи го и онака импресивниот рекорд и тоа со триумф со резултат 2:0, со головите на Карвахал и Винисиус.

Шпанскиот клуб го засили темпото во последната четвртина од мечот, Борусија не можеше да парира како претходно, а првиот удар беше зададен по корнер од левата страна, кој Крос го изведе одлично, а Карвахал го претвори во погодок со удар со глава.

Завршниот удар дојде по грешката на Матсен и топката која Винисиус ја доби пред шеснаесетникот на Борусија, па без проблеми го совлада Кобел за конечни 2:0.

Фулкруг во завршницата постигна гол, но тој беше поништен поради офсајд, па Борусија не успеа да реализира во финалето и да го направи финишот поинтересен.

Белингам по првата европска титула со Реал: Најдобра ноќ во мојот живот

Џуд Белингам стигна до трофејот во Лигата на шампионите уште во дебитантската сезона во дресот на Реал Мадрид, а неговиот тим стигна до 15-та титула во најпрестижното европско натпреварување.

Англискиот репрезентативец бил очекувано емотивен по крајот на финалето и истакнал дека ова е најдобрата ноќ во неговиот досегашен живот.

– Отсекогаш сонував да играм вакви натпревари.

– Поминуваш низ животот и постојат луѓе кои ти кажуваат дека не можеш да направиш одредени работи. Мојот помал брат беше тука вечерва и се обидувам да му бидам добар пример. Не можам да го опишам ова чувство, ова е најдобра ноќ во мојот живот, – истакнал Белингам,

Реал Мадрид ја победи Борусија со 2:0 со головите на Карвахал и Винисиус.