[ВИДЕО] Документарецот за еден од најголемите секс скандали во историјата, моментално е најгледан на Нетфликс

Точка

21/05/2024

22:51

6.661

Големина на фонт

а а а

Документарната серија Ешли Медисон: Секс, лаги и скандал ја надмина хит серијата „Baby Reindeer“ и го зазеде второто место на листата на најгледани серии на Нетфликс. Според податоците на веб-страницата „FlixPatrol“, „Ashley Madison: Sex, Lies & Scandal“ беше премиерно прикажана на 15 мај, а за помалку од една недела стана втората најгледана серија во светот.

Документарната серија од три епизоди го прикажува хакирањето на страницата за запознавање Ешли Медисон. За разлика од повеќето страници за запознавање, Ешли Медисон е наменета за поединци кои се во брак или во посветена врска и сакаат да ги изневерат своите партнери. Ознаката на страницата гласи: „Животот е краток. Имајте афера“.

Во јули 2015 година, страницата беше нападната од хакери кои ги украдоа приватните информации на три милиони корисници, вклучувајќи ги и корисниците кои платиле на страницата да ги избришат нивните податоци кога ги избришале нивните профили. Хакерите се заканија дека ќе ги објават податоците доколку страницата не биде трајно затворена.Бидејќи сопствениците не ја затвориле страницата, хакерите објавиле информации кои уништиле многу бракови и деловни кариери.

Лоши критики од критичарите, но просечните гледачи се задоволни

Иако документарецот има само 43 проценти на „Rotten Tomatoes“, корисниците на групата „Netflix Bangers“ пишуваат дека им се допадна и дека им е интересна.

„Синоќа ја завршив документарната серија и мислам дека е многу интересна, но мојот сопруг се загрижи бидејќи цело време ја гледав“, напишала една корисничка, пренесува „Unilad“.


"Добра серија! Сакам вистински приказни... Ги гледав сите три епизоди во една ноќ. Шокантно е тоа што над 70 милиони луѓе ги изневеруваат своите сопружници", напишал трет. „Отсекогаш ме интересирало што се случило со прељубниците чии информации се објавени“. Оваа серија ги прикажува штетните последици од изневерувањето.




Спонзорирани линкови

Маркетинг