Немо Матлер, победникот на овогодишната Евровизија, и натаму е главна тема во јавноста, не само поради песната и интересниот аутфит за настап туку и поради прашањето на видливоста на небинарните луѓе.
Кон крајот на минатата година, Немо открил дека е небинарна личност на Инстаграм: „Не се идентификувам ни како маж ни како жена. Јас сум Немо“.
Инаку, тој тоа прво ѝ го признал на својата партнерка за која јавноста не знае многу. Познато е дека тие се заедно пет години.
„Знаев дека можам целосно да ѝ верувам. Таа веќе беше чувствителна на таа тема и знаев дека ме сака“, изјавил Немо, па додал: „Не ми требаше многу труд за да ѝ се отворам“.
Инаку, во 2022 година Метлер се изјаснил како пансексуалец, односно како личност која се заљубува во луѓе, а не во нивниот пол, а порталите пишуваат дека го привлекуваат жени, мажи и небинарни личности.
Инаку, по признанието на девојката во нивната врска ништо не се сменило:
„Нашиот однос воопшто не се основа на никакви примери. Ние сме само двајца луѓе кои немаме никакви родово поврзани очекувања еден со друг и никогаш не сме имале“.
Меѓутоа, не е познато дали Немо сѐ уште е со неа со оглед на тоа што во интервјуата пред Евровизија кажал дека „љубовта не постои“.
„Шегата на страна, тоа сепак го чувам за себе“, изјавил тој тогаш.
