Рецептот за тестенини со пилешко месо на Џејми Оливер, инспириран од грчката кујна, може да биде одлична идеја за вашиот следен ручек или вечера бидејќи има само неколку состојки.
За подготовка на овие вкусни тестенини ви се потребни 10 минути пред да оставите лесно да крчкаат околу еден час.
Рецептот е објавен во неговиот готвач наречен „5 Ingredients Mediterranean“.
Потребни состојки:
- 1 кг. пилешки батаци
- 600 гр. макарони
- 500 гр. мешавина замрзнат зеленчук: кромид, моркови и целер
- 100 гр. халуми сирење
- две конзерви излупени домати
дополнително: екстра девствено маслиново масло, вински оцет, сол и бибер
Greek Chicken Pasta | Jamie's 5 Ingredient Meals | Jamie & Tesco | Jamie Oliver | AD5 ingredient pasta ready in half an hour? It’s a yes from us!! Who’s giving this one a try from last night’s episode of Jamie’s 5 Ingredient Meals, brought to you by Tesco ? We can confirm it was a hit in the Oliver household! Catch up on the show here on Channel 4 👉👉 jamieol.com/5IngredientMeals
#Jamies5ingredients #ad
Posted by Jamie Oliver on Monday, October 30, 2023
Подготовка:
Во голема тава на силен оган пропржете ги батаците со 2 лажици маслиново масло, па извадете ги на чинија. Во тавата додајте го замрзнатиот мешан зеленчук и пржете 5 минути, а потоа вратете го пилешкото во тавата, додајте 2 лажици од винскиот оцет и оставете да се готви.
Издробете ги доматите, а потоа налејте 1 конзерва вода. Оставете да зоврие, а потоа динстајте 1 час или додека пилешкото не се отцепи од коската, повремено мешајќи. По 1 час, сварете ги тестенините во тенџере со зовриена солена вода според упатството на пакувањето, а потоа процедете ги.
Во меѓувреме, извадете го целото пилешко месо од коските и иситнете го со виљушка, па вратете го во сосот. Пробајте го сосот и зачинете по желба.
За сервирање, измешајте ги тестенините во сосот и изрендајте го поголемиот дел од халуми сирењето. Завршете со една лажица екстра девствено маслиново масло и преостанатото халуми сирење изрендано одозгора.
