Влезот во Итната помош во Рузвелтовата болница го оградила полицијата. Присутни се и министерката за здравство Зузана Долинкова и началникот на Министерството за внатрешни работи Матуш Шутај Ешток.

Словачките медиуми навеле дека е уапсен атентатор (71) и дека е од градот Левице во Словачка.

Идентификуван напаѓачот

Дневникот „Хосподарске новини“ и порталот „Плус“ јавиле дека напаѓачот го идентификувале како Јурај Ц од Левице, место во близина на унгарската граница.

Главниот обвинител Марош Жилинка веднаш по пукањето изјавил дека напаѓачот ќе биде соодветно казнет.

Напаѓачот, пренесуваат словачките медиуми, испукал неколку куршуми во премиерот и наводно го погодил во гради и стомак.

На снимката се гледаат петмина полицајци кои во општ хаос и паника го апсат напаѓачот.

На снимката се гледа како полицијата, но и обезбедувањето во цивилка го совладуваат атентаторот и го соборуваат на земја, додека граѓаните кои се нашле тука се обидуваат да им се тргнат од патот.