Убав сончев априлски ден, понеделник. Во пролет секогаш се случуваат убави нешта, па така и оваа вест од Скопската Зоолошка градина ни измами насмевки и топлина во срцата.
Имено, на нивниот официјален „Фејсбук“ профил беше објавено дека нивното големо семејство од животни, сега е побогат за уште еден член. Станува збор за двогрбата камила од фамилијата Бактријан.
Нашето ново бебе ❤️
Во фамилијата Бактријан двогрби камили имаме подмладок, оваа преслатка млада дама, која е второ дете...
Posted by Skopje ZOO / Зоолошка градина Скопје on Sunday 28 April 2024
„Во фамилијата Бактријан двогрби камили имаме подмладок, оваа преслатка млада дама, која е второ дете на Карло и Мираи.
Се роди на 03 април и по краток карантин со мајката, веќе ужива во пролетните сончеви денови.
Да ни е жива и здрава“, стои во објавата од Зоолошката градина на Фејсбук.
И би пролет.
Фото: Горан Анастасовски