Од денес започнува првиот ден од Големиот пост, најважното постење во годината. Постот трае седум недели и е подготовка за Христовото Воскресение. Последен ден од овогодишниот пост е 4 мај денот потоа е Велигден.

Двата аспекти на постот се важни, телесниот и духовниот како што предупредува Свети Василиј: „Не ограничувајте ги придобивките од постот само на воздржување од храна, вистинскиот пост е оддалечување од лошите дела“.

Кога станува збор за физичкиот пост, за време на овој пост се воздржуваме од месо, јајца, сирење и млеко. „Виното и маслото се дозволени само во сабота и недела, но и на денот на Светите четириесет маченици, додека риба може да се користи само на Благовештение и Цветници. Во сите други денови се пости „на вода“, а особено строго во среда и петок.

Во случај на слабост, во работните денови освен среда и петок, маслото може да се раствори, но е потребно посебен благослов од свештено лице или парохиски свештеник“, според православната црква.

Првите три дена од првата недела од Големиот пост се постеле особено строго уште од античко време, како и последната недела од постот, која ја постиме „на вода“, освен Велики четврток, на кој е дозволено маслото за да се готви и виното до три чаши во денот.

На Велики петок се воздржуваме од јадење и пиење до положувањето на плаштеницата, односно до три часот попладне, по што се зема лесен оброк „на вода“, строго постиме на Велика Сабота.

Шесте недели од постот се:

• Чиста недела или недела на православието – во песните и молитвите може да се слушне плачот на душата која се кае, чисти, жали за своите гревови.

• Пачиста недела или света недела е посветена на Свети Григориј Палама, кој поучувал дека преку пост и молитва луѓето можат да станат учесници во божествената енергија.

• Недела на Крстовно поклонување, во која на утрински се изнесува светиот крст за поклонување и бакнување.

• Глува недела, во текот на неделата нема пеење, игри, танцувања, исто така не се започнуваат нови работи.

• Цветници го има добиено името по цвеќињата и зелените гранчиња кои децата и жителите на Ерусалим ги фрлале пред Христос кој влегол во градот.

• Недела на страдање или Голема недела, е посветена на страдањето и смртта на Исус Христос.

Според свети Јован Златоуст, постот „не значи само воздржување од храна, туку и воздржување од гревови“. „Не треба да се пости само преку устата“, вели тој, „туку и на окото, и увото, и стапалата, и рацете и другите делови од телото; окото мора да се воздржува од несоодветни глетки, увото од зли гласини, раката од неправедни дела“.