Ариго Саки уште еднаш ја коментирал актуелната ситуација во Милан, во сезоната во која „росонерите“ не успеаја да обезбедат нокаут фаза во Лигата на шампионите и веќе имаат големо заостанување зад лидерот Интер во Серија А.
Во својот коментар за „Газета дело Спорт“, поранешниот тренер на Милан смета дека екипата нема баланс и дека целата вина за тоа не може да му се припише на тренерот Стефано Пиоли.
– Гледам дека Пиоли често добива критики, но треба да се направи проценка и на фудбалерите со кои располага.
– Милан понекогаш делува како да не знае зошто е на теренот, потоа ќе дојдат пет-шест добри натпревари, па на крајот ќе дојде некој нов хаос. Нема баланс на теренот и континуитет во резултатите и екипата не може да се помести од оваа „мртва точка“. Она што мора да го направи Пиоли е да ги седне на клупа оние кои не се залагаат доволно и не помагаат во одбрана, ако не го направи тоа, таквиот фудбалер ќе му нанесе штета на целиот тим.
– Дел од вината лежи и во потезите на трансфер пазарот. На Милан му требаше стопер, како и еден напаѓач кој ќе му дозволи на Жиру да се издиши. Истовремено тешко е да се интегрираат толку странци во еден тим, имам впечаток дека најголем број од засилувањата не се одобрени од Пиоли, ако е спротивно тогаш се работи за голема грешка.
– Генерално, сметам дека екипата е составена на погрешен начин, не гледам проект како што беше во минатото, – вели Саки.
