Украинските трупи се повлекоа од селото кај Авдиивка

Макфакс

26/02/2024

13:01

1.811

Големина на фонт

а а а

Украинските трупи се повлекоа од селото Ласточкине кај Авдиивка, изјави Дмитро Лиховиј, портпарол на оперативната стратешка група Таврија.

„Украинските вооружени сили се повлекоа од селото Ласточкине со цел да воспостават одбрана долж линијата Орливка-Тоненка-Бердичи и да го спречат непријателот да напредува во правец на запад“, рече тој. Неодамна во саботата се појави информација дека Русите, како дел од нивното напредување западно од Авдиивка, го зазеле Ласточкине.

Лиховиј вчера тврдеше дека селото се уште не е целосно окупирано, но дека украинските вооружени сили се повлекле во западната периферија на селото и дека борбите се уште траат. Да потсетиме, врховниот командант на украинската армија Олександр Сирски најави повлекување од Авдиивка ноќта меѓу 16 и 17 февруари.

Претседателот Володимир Зеленски тврди дека руските загуби во споменатиот град биле седум пати поголеми од украинските. Олександар Тарнавски, командант на оперативната и стратешката група на силите Таврија, на 19 февруари објави дека украинските трупи ги консолидирале своите позиции на новите одбранбени линии на бојното поле Авдиивка во регионот на Доњецк.



Спонзорирани линкови

Маркетинг