Објавувајќи интересна фотосесија на социјалната мрежа Инстаграм, младата пејачка Антониа Гиговска откри дека ѝ е роденден и дека полни 23 години.
На 21 јануари, Антониа по повод својот роденден покрај објавените фотографии на кои позира со огромна торта, напиша: „23“ со емотикон на срце.
Антониа изгледа неверојатно заводливо и прекрасно на фотографиите, а покрај неа главно место на истите зазема и огромната, шарена торта на три ката.
Инаку, тортата е направена од картон и е украсена со тул.
Антониа на фотографиите е облечена во сребрен градник и хеланки, на нозете носи високи потпетици, а роденденската фотосесија е неверојатна.
Под фотографиите бројни пријатели и фанови ѝ честитаа роденден, посакувајќи ѝ најубави желби во иднина:
„Најсреќен роденден убавице моја, само убавини и годинава да станеш светска ѕвезда“, „Среќен роденден убавице“, „Најсреќен“, „Среќен роденден Антониа, ти посакувам здравје и многу хитови“, „Среќен роденден и секогаш да си насмеана“...
