За тројца од петмината приведени во текот на вчерашниот ден, а во врска со исчезнувањето на 14-годишната Вања обвинителството бара притвор.
Од таму информираат дека јавен обвинител до Основниот кривичен суд Скопје доставил предлог за определување 48-часовен притвор со цел да биде обезбедено нивното присуство до целосно расчистување на настанот.
Се додава дека во текот на целиот ден се преземаат дејствија за обезбедување докази.
„Јавното обвинителство и МВР ќе ја информираат јавноста веднаш штом се создадат услови кои нема да ја нарушат постапката“, велат од Обвинителството.
Обвинителството најави дека сите шпекулации кои имаат за цел да ја компромитираат истрагата во овој момент, ќе бидат најостро санкционирани.
