Ситните колачи се едни од омилените на трпезата, а за оние кои се подготвуваат за гозба особено се скапоцени затоа што се подготвуваат многу брзо и едноставно, често и со само неколку состојки.

Меѓу најпопуларните опции се чоколадните бомбици, а оваа варијанта со рум лесно се подготвува, вкусна е и совршена за да ги заслади гостите после ручекот или вечерата.

Чоколадни рум бомбици:

- 100 грама темно чоколадо;
- 100 грама мелени ореви;
- Суво-грозје по вкус;
- 250 грама мелени бисквити;
- 250 грама шеќер во прав;
- 250 грама маргарин;
- 2 лажички рум.

Подготовка:

Со миксер изматете го маргаринот којшто сте го помешале со шеќерот во прав. Додадете ги бисквитите, оревите и румот, но оставете настрана една лажица од мелените бисквити за да имате за посипување.

Добро измешајте ја смесата сѐ додека не биде компактна. Обликувајте топчиња, а во средината од секоја бомбица ставете 1-3 зрнца суво-грозје.

Стопете чоколадо, па со тоа прелијте ги бомбиците.

Ставете ги во корпички и додека сѐ уште чоколадото е топло посипете ги со мелените бисквити.

На здравје!