Сопственикот на „Tesla“ и платформата „X“ Илон Маск, на таа платформа објавил пост во кој го исмева украинскиот претседател Володимир Зеленски поради тоа што бара помош за војната со Русија.
На фотографијата која ја објавил Маск се гледа монтажа од Зеленски од младите денови, на која му излегуваат вените од вратот и на која пишува: „Кога ќе поминат пет минути, а ти уште не си побарал милијарда долари помош“, пренесува „Reuters“.
Со овој пост Маск им се приклучил на крајните левичари и десничари ширум светот кои тврдат дека западните земји, првенствено САД, треба да престанат финансиски и воено да и помагаат на Украина и да ја пуштат сама да се справи со Русија.
— Elon Musk (@elonmusk) October 1, 2023
Украинците реагирале на објавата на Маск со објава на пораки од официјалниот профил на украинскиот парламент на кој е поставена фотографија од Маск и текст: „Кога ќе поминат пет минути, а ти уште не си ширел руска пропаганда“.
На Маск му одговорила и групата „Републиканци против Трамп“, кои напишале: „Зошто исмеваш храбар лидер кој ја предводи својата нација во херојска борба за слобода? Имаш ли малку срам?“.
САД од почетокот на војната до сега одобриле речиси 113 милијарди долари помош за Украина, пренесува „AP“, наведувајќи дека американскиот претседател Џо Бајден побарал од Конгресот дополнителни 24 милијарди долари.
— Gabe Lugo (@gabelugom) October 2, 2023