„Google“ денеска полни 25 години, па редно е тоа да го прославиме со малку носталгија.
Моменталниот „Google“ пребарувач е резултат на поправки вршени во текот на две и пол децении, и бескрајно е покорисен од тоа што му претходело. Кога „Google“ прв пат се појавил во далечната 1998-ма година, изгледал многу поедноставно, како и што би очекувале од една вебстрана од тоа време.
Меѓутоа, старинскиот шарм на класичните страници за пребарување и натаму е многу привлечен, посебно меѓу луѓето кои мислат дека модерното пребарување е пренатрупано. Ако сте и вие меѓу нив, следат добри вести: Можете да тргнете по патот на носталгијата и барем на момент да се почувствувате како повторно да е 1998-ма година, пренесува „Android Police“.
Тогаш логото на „Google“ имало и извичник, а овој сајт ви го нуди старото „Google“ пребарување.
Постојат повеќе години кои можете да ги одберете, вклучувајќи ги 2009, 2011 и 2013-та година, што се години кога се правени големи визуелни промени.
Оваа интернет страна го имитира начинот на кој „Google“ некогаш давал резултат, со менито за избор на боја и со копчето „I’m Feeling Lucky“.
