Линда Еванџелиста ја совладале емоциите кога се појавила овој викенд во Лондон, на прославата на својата прва книга.
Познатата манекенка започнала да плаче додека ѝ говорела на публиката за своето партнерство со фотографот Стивен Мејсел, со кој работелa на книгата, и за својата извонредна кариера.
Линда со легендарниот фотограф соработувала повеќе од 35 години и заедно создадоа некои од највпечатливите и највлијателни фотографии во светот на модата. Нивната книга е посвета на една од најсликовитите и најдолготрајни модни соработки и содржи повеќе од 180 фотографии снимени во период од 25 години.
На прославата, Еванџелиста се обратила пред преполната сала и споделила свои увиди во соработката, како и приказни зад сцената за своето искуство како еден од водечките светски супермодели. Меѓутоа, како што се присетувала и зборувала за својот подем до славата, Линда емоционално се скршила. Во очите ѝ биле видливи солзите, а во еден момент ја прекрила устата со дланката.
Неодамна славната манекенка откри дека веќе неколку години се бори со тешка болест. На Линда пред 5 години ѝ бил дијагностициран рак на дојка и имала двојна мастектомија. Ракот ѝ бил откриен во текот на редовна контрола во 2018 година, но дури сега проговорила за својата тешка борба.
\
