По само неколку месеци од смртта на кралот на ромската музика, Ферус Мустафов, по кратко боледување синоќа почина и неговиот син, Илми Мустафов.
Познатиот саксафонист и кларинетист Илми беше член на групата „Огнени момчиња“. Во неговата скоро тридецениска кариера, има снимено многу ора и чочеци, дел со својата група, а дел со неговиот познат татко Ферус Мустафов.
Како што напиша синот на Илми на социјалните мрежи, погребот ќе се одржи утре во 13 часот на гробиштата во Камник. Преку социјалните медиуми од него се простуваат многу музичари и негови блиски луѓе.
