Во последните неколку дена Турција страда од страшни поплави кои го зафатија главниот град по обилните дождови, пренесуваат медиумите во регионот.
Портокаловата метеоролошка тревога е на сила во дури 27 провинции, а обилните дождови целосно го парализираа животот во Анкара.
Во изминатите неколку денови спасувачките екипи постојано се на терен и испумпуваат вода од зградите, додека многу патишта често се непроодни поради пороите кои носеа се пред себе.
Колку е драматична ситуацијата во Турција најдобро сведочи видеото од Анкара, каде може да се види како водата навлегла во станбена зграда, а потоа водениот бран крши балконската врата од станот и водата почнува да го исфрла мебелот.
