Синот на легендарен спортист си го убил својот осумгодишен син, па се самоубил – јавноста во САД во шок

Убиството и самоубиството ги открила полицијата која во саботата вечерта ја проверила куќата на наследникот на познатиот спортист во Њу Бедфорд во американската држава Масачусетс.

– Господинот Скот, за кој се верува дека го убил момчето пред да си го одземе животот, живеел во куќата со момчето – изјави Грег Милиоте, портпарол на обвинителот.

Мајката на момчето, Лиза Азар, исчезна во март 2019 година, а полицијата долго време се сомневаше дека Скот е вмешан во нејзиното исчезнување. Пред неколку недели детективите кои го истражуваат овој случај ја пребарале куќата на Џорџ Скот Трети, објави „Бостон глоуб“.