Фатени двајца бегалци од Идризово, со нив имале автомобил и пари

Макфакс

30/05/2023

19:52

1.662

Големина на фонт

а а а

Денеска во Скопје се фатени двајца бегалци од затворот Идризово. Се работи за Б.О.(56) од Гостивар и Е.М.(29) од с.Франгово, струшко.

Околу 14.30 часот тие избегале од Казнено-поправната установа Затвор Идризово, каде што издржувале затворски казни.

Б.О. бил осуден на казна од 11 години и 8 месеци за сторено кривично дело по член 215 од Кривичниот законик, а има за доиздржување уште пет години, додека Е.М. бил осуден на казна затвор од девет години за сторени кривични дела по член 215 и член 396 од Кривичниот законик и има за доиздржување уште четири години од казната.

Тие биле со автомобил и кај нив биле пронајдени и одземени 120.000 денари. Лицата ќе бидат спроведени во казнено-поправната установа за доиздржување на казните.




Спонзорирани линкови

Маркетинг