(Видео) Шефот на „Вагнер“ бесен: „Смрдливи суштества, изгубете се од вашите канцеларии“

Во нападот се погодени неколку згради, со помала штета и без сериозни повреди, рекол утрово градоначалникот на руската престолнина Сергеј Собјанин.

Не било потребно многу време да се огласи и најпознатиот прокремљски и провоен пропагандист, ТВ водителот Владимир Соловјов, кој, изгледа, рекол дека колку порано луѓето во руските градови сфатат дека нивната земја „се бори против НАТО“, толку побрзо Русија ќе победи во војната. „Тоа треба да биде јасно. Луѓе, ова е сериозно“, рекол тој.

Исто така, повикал на „демонтажа“ на Киев, Одеса, Днепар, Лавов и Ивано-Франкивск.

На социјалните мрежи се појавила снимка на шефот на озлогласената група Вагнер, Јевгениј Пригожин, кој со гнев го коментира нападот на Москва и уште еднаш го напаѓа воениот врв, односно Министерството за одбрана.

„Смрдливи суштества, што правите? Вие сте стока. Губете се од вашите канцеларии. Вие сте поставени да ја браните оваа држава. Вие сте Министерство за одбрана. Зошто по ѓаволите дозволувате тие дронови да летаат во Москва“, рекол Пригожин.

„Предупредував на ова многу пати, никој не сакаше да слуша“, додал тој.