Стотици луѓе во Германија, каде што живеат голем број турски граѓани, ја прославија победата на актуелниот претседател Реџеп Таип Ердоган на изборите. Тие спонтано се собраа и продефилираа низ улиците на неколку германски градови во долга поворка од автомобили, кои беа украсени со турски знамиња и возеа свирејќи низ улиците.
Славење синоќа имаше низ повеќе германски градови, вклучително и главниот град Берлин, Дибург и Хамбург. Според полициските информации, прославата поминала главно мирно.
Germany when Erdogan wins the election… been non stop for 30 mins now pic.twitter.com/Yz0j50HT2j
— Sam Henderson (@Hendo_Gooner) May 28, 2023
Во Манхајм во југозападната држава Баден-Витенберг, сепак, имаше конфликт. Луѓето фрлаа предмети кон полицајците, а дел од колоната се судри со пешаци. Никој не беше повреден.
Street celebrations in Berlin after Erdogan's electoral victory... pic.twitter.com/Mil79d4CBt
— Kevork Almassian???? (@KevorkAlmassian) May 28, 2023
Во Дибург, според полицијата, на прославата учествувале неколку стотици автомобили и неколку стотици собрани на улиците. Освен неколку огномети, се било мирно.
Ich hasse euch alle omg pic.twitter.com/Z4H8rWn9DP
— sıla ރ (@einkizaussivas) May 28, 2023
Во Хамбург, пред турскиот конзулат во близина на железничката станица се формираа долги редици автомобили што свиреа. Само на тревникот пред конзулатот, околу илјада поддржувачи на Ердоган вееја знамиња славејќи ја неговата победа.
Во Германија живеат повеќе од три милиони турски граѓани.
