Захарова со критики до Западот: По Југославија и Ирак – кој е следен за бомбардирање на НАТО

Макфакс

06/04/2023

11:41

1.224

Големина на фонт

а а а

Сè почесто се слушаат изјави за глобалната улога на алијансата од генералниот секретар Јенс Столтенберг. Се прави сè за да се направи светот уште поопасен, да се спречи постоењето на алтернативни центри на моќ способни да ја уништат хегемонијата на Западот.

Сè на сè, може безбедно да се каже дека безбедноста и НАТО се некомпатибилни работи. Во оваа насока може да се донесе само еден заклучок – време е Северноатлантскиот блок да се пензионира на 74 години – рече Захарова, коментирајќи го состанокот на Советот на НАТО на ниво на шефови на дипломатии, што се одржува на по повод 74-годишнината од алијансата.

Според нејзиното мислење, НАТО се обидува да го „узурпира целиот европски безбедносен систем“ со помош на Финска, која стана нејзина членка.

„Финска стана уште една жртва на Северноатлантската алијанса, чии власти одлучија да се збогуваат со долгогодишната неутралност на нивната земја во замена да ја претворат во зона во близина на линијата на фронтот, полигон за задржување на Русија во северозападниот правец. Како што гледаме, НАТО нема намера да застане тука“, заклучи Захарова.

Таа посочи и дека алијансата нема со што да се фали, бидејќи зад НАТО стојат војни, претворање на држави во урнатини, неказнети воени злосторства, убивање цивили и уривање на цивилна инфраструктура. Захарова запраша: кој е следен по Југославија, Ирак, Авганистан и Либија?

Таа посочи дека претставниците на северноатлантскиот блок не се измориле да повторуваат дека тоа е одбранбен сојуз, иако целата историја на организацијата го кажува сосема спротивното.



Спонзорирани линкови

Маркетинг