Повеќе од 70 години откако е прогласено дека гепардите се официјално истребени во Индија, таа држава сега е дом на четири новородени гепарди, изјавил министерот за развој на животната средината Бупендер Јадав.
Гепардите се потомци на две од осум рехабилитирани гепарди донесени минатиот септември од Намибија во индискиот Национален парк Куно во централната држава Мадија Прадеш, во склоп на планот во Индија да има 50 вакви големи мачки во наредните пет години.
Јадав на Твитер навел дека раѓањето на гепардите е важен настан во зачувувањето на дивиот живот на Индија.
Се огласил и премиерот Нарендра Моди кој раѓањето го нарекол „прекрасни вести“.
Објавата за раѓањето на гепардите дошла неколку дена откако еден од намибиските гепарди, Саша, угинал од болест на бубрезите.
Congratulations ??
— Bhupender Yadav (@byadavbjp) March 29, 2023
A momentous event in our wildlife conservation history during Amrit Kaal!
I am delighted to share that four cubs have been born to one of the cheetahs translocated to India on 17th September 2022, under the visionary leadership of PM Shri @narendramodi ji. pic.twitter.com/a1YXqi7kTt
Минатиот септември во Индија од Намибија биле донесени три мажјаци и пет женки гепард, вклучувајќи ја и Саша.
Овие диви мачки денес може да се најдат во јужна и источна Африка – во Намибија, Боцвана, Кенија и Танзанија, покажуваат податоците на Светскиот фонд за природа.
Според „WWF“, сега во дивината останале помалку од 7.000 гепарди
