Во светот познати како вафли, кај нас главно ги нарекуваат галети или бабин колач, овој сочен рецепт е едно од омилените брзи решенија кога сакаме да уживаме во храната.

Станува збор за неутрално печиво, а дали ќе го јадете како здрав појадок, со шунка, сирење или како десерт со вишни, тоа зависи од вас.

Состојки:

- 250 грама тиквички;
- ½ прашок за печиво;
- 2 јајца;
- 150 милилитри јогурт;
- 1 лажица мелени, ленени семки;
- 50 грама мелени бадеми;
- ½ лажичка сол;
- кисела вода по потреба;
- ½ лажичка шеќер.

Подготовка:

1. Изрендајте ги тиквичките на ситно, па ставете ги на хартија за да се исцедат од вишокот вода.

2. Потоа со нив помешајте ги јајцата, мелените семки и бадемите, солта, шеќерот, ставете јогурт, па доколку смесата е прегуста додадете кисела вода по потреба.

3. Подмачкајте го апаратот за вафли со масло, па со црпалка ставете од смесата и печете околу седум минути.

4. Извадете ги и покриете ги со крпа додека не изладат.

5. Сервирајте ги во блага или солена варијанта.

На здравје!