Според некои украински медиуми, Русија ја тресе голем скандал откако во јавноста испливал допис на руската телевизија NTV, во кој се споменува и Кадиров.
Имено, во дописот на NTV се наведува дека нивната новинарка, која била испратена да известува од украинскиот град Мелитопол, била силувана.
Станува збор за новинарката Олга Зенкова, која важи за пропагандистка на Путин.
Таа отишла во Мелитопол, кој на почетокот на војната беше окупиран од Русите, за да направи репортажа, се посочува понатаму во текстот.
Major scandal in Russia.
— Visegrád 24 (@visegrad24) January 30, 2023
The TV presenter Olga Zenkova from NTV was sent to occupied Melitopol to record a propaganda piece.
While visiting a restaurant, Kadyrov’s nephew Hasan Ibrahimov and men from his unit walked up to her, beat up her camera man and then raped her. pic.twitter.com/csNvw1kaEi
Меѓутоа, како што се наведува, таа налетала на злогласната чеченска бригада предводена од Хасан Ибрахимов, братучед на чеченскиот лидер Рамзан Кадиров, а војниците наводно ја силувале новинарката и го претепале снимателот.
Украинците пишуваат дека за овој грозен инцидент дознале сосема случјно, бидејќи во јавноста протекла жалба од NTV во која раководството на таа телевизија го повикала Истражниот комитет на Руската Федерација да го истражи случајот.
Официјалниот документ бил испратен до шефот на тој Истражен комитет, а самата телевизија не сакала ништо да коментира за да избегне „дискредитирање на руската војска“.
