По помалата аукциска депресија во ерата на локдаунот во 2020 година, кога немаше уметнички дела кои ја преминуваа границата од 100 милиони долари, секундарниот пазар оттогаш го врати својот предпандемиски сјај, па дури и пронајде нов раскош.

Шест уметнички дела оваа година достигнаа цена од над 100 милиони долари, надминувајќи ги дури и рекордите постигнати во 2017 година, кога за 450 милиони долари беше продаден „Salvator Mundi“ на Леонардо да Винчи.

Одлични резултати беа постигнати во ноември кога на пазарот се појави колекцијата на соосновачот на Мајкрософт, Пол Ален. Шест од десетте најскапи артефакти продадени во галеријата „Christie’s“ во Њујорк заедно изнесуваат повеќе од 1,5 милијарди долари, што е најскапата продажба на еден сопственик на аукција некогаш.

Овие уметнички слики беа продадени за најголеми суми во текот на 2022 година:

„Shot Sage Blue Marilyn“, Енди Ворхол – 195,040,000 долари

„Les Poseuses“, Жорж Сера – 149,240,000 долари

„La Montagne Sainte-Victoire“, Пол Сезан – 137,790,000 долари

„Verger avec cyprès“, Винсент Ван Гог – 117,180,000 долари

„Maternité II“, Пол Гоген – 105,730,000 долари

„Birch Forest“, Густав Климт – 104,585,000 долари

„Large Interior, W11“, Лусијан Фројд – 86,265,000 долари

„White Disaster“, Енди Ворхол – 85,350,500 долари

„Untitled (1982)“, Жан Мишел Баскијат – 85,000,000 долари

„Empire of Light“, Рене Магрит – 79,243,069 долари