Сергеј Лавров, шеф на руската дипломатија, денеска ја демантираше веста дека е хоспитализиран. На снимката се гледа и што облекол, што дополнително им падна во око на многу Твитер корисници.
Портпаролката на министерството на надворешни работи, Марија Захарова, исто така ги демантирала натписите дека Лавров е во лоша здравствена состојба.
„Сергеј Викторович и јас ги читаме вестите и не им веруваме на нашите очи – излегува дека е хоспитализиран“, напишала Захарова на својот профил на Телеграм.
„Ова е, се разбира, врвот на фалсификатите. Па, почекајте ја големата ексклузива“, додава Захарова.
Maria #Zakharova published a video with #Lavrov to prove that he is well. pic.twitter.com/PfKHMvxM8j
— NEXTA (@nexta_tv) November 14, 2022
Таа на Телеграм објавила видео со Лавров кој седи на тераса, во шорц и маица, со документи на масата.
Меѓутоа, на Твитер корисниците им привлекла внимание маицата на рускиот министер за надворешни работи.
Jean-Michel Basquiat, Untitled (Mona Lisa), 1983 pic.twitter.com/wncOcZ9O55
— Michael Lobel (@mlobelart) November 11, 2022
Имено, маицата која може да се нарача и онлајн е со натпис „Basquiat“ и има стилизирана круна, која всушност е логото на познатиот сликар Жан Мишел Баскијат.
Жан Мишел Баскијат бил Афроамерикански сликар кој починал од предозирање со хероин на 27-годишна возраст. Баскијат бил познат и по својот богат емотивен живот и како бисексуалец, а неговите дела и слики денес достигнуваат астрономски суми на аукција.
