Граѓаните се собираат пред Владата за да го искажат своето незадоволство од францускиот предлог и барањата на Бугарија.
Граѓаните напрво ќе протестираат пред Влада, потоа ќе се упатат кон Министерството за правда, за на крајот да протестираат пред Собрание.
Во повикот за протест стои:
„Денес продолжуваме помасовно и побројно против отворената бугаризација и асимилација.
Да се обединиме под македонското знаеме. Повикуваме секое семејство на својот балкон или прозорец да го развиори македонското знаме.
Денес продолжуваме со протестен марш. Во 19 часот пред Влада, преку министерство за правда каде ќе порачаме дека Уставот не е тоалетна хартија, па се до Собранието.
Масовно, мирно и достоинствено да протестираме, народот да е последната брана против нечесната игра која ќе направи насилна бугаризација на народот и Македонија.
Да кажеме НЕ на Ултиматумот“.
