Составот на Палмеирас без никакви проблеми го потврди пласманот во четвртфиналето на Копа Либертадорес, фаза до која стигна откако со вкупни 8-0 го доби двомечот со Серо Портењо.
Првиот дуел заврши со 3-0, додека оној вториот што се одигра рано утрово со 5-0 и тоа во средба која ја одбележа напаѓачот Рони.
Рони влезе во 34 минута и успеа да даде два гола од кои оној во 83 беше вистинско ремек-дело, погодок за ТВ шпици. Бразилецот со фантастични ножички ја смести топката во мрежата на гостите за ерупција на домашните фанови.
Rony (GOLAÇO DE BICICLETA): Palmeiras 5x0 Cerro Porteño
— Gols Diário (@DiarioGols) July 6, 2022
pic.twitter.com/plGRO6gicX
Инаку Палмеирас е актуелен шампион, бранител на трофејот кој во четвртиналето ќе се соочи со Атлетико МГ кој е предводен од Хулк.