Петков ги обвини Русите и мафијата за падот на владата

Макфакс

23/06/2022

11:28

4.854

Големина на фонт

а а а

Бугарскиот премиер во заминување Кирил Петков ја обвини Русија и мафијата во неговата земја за падот на владата. Петков, кој ја презеде премиерската функција пред шест месеци, се обрати до јавноста откако бугарскиот парламент вчера и изгласа недоверба на Владата. На гласање за недоверба, 123 пратеници гласаа против владата, од кои 239.

Тој ја критикуваше работата на опозицијата, но и постапките на одредени коалициски партнери. Петков им призна на новинарите дека негова најголема политичка грешка е преговарањето за соработка со некои бугарски партии кои ги ставаат сопствените интереси пред државните, пишува Политико.

Владата на Петков вети дека ќе се бори против раширената корупција во Бугарија, а со тоа и официјална Софија зазеде цврст став против руската инвазија на Украина.

Петков на новинарите им кажа за луѓето кои ги смета за клучни за соборување на неговата влада, па го спомена и рускиот амбасадор во Софија. Тој ја обвини Русија за неговата смена преку пратениците од екстремно десничарската партија Препород. Ја спомена и мафијата.

„Во овие шест месеци сакавме да се бориме со моделот на корупција изразен преку партии како што се „Препород“ и „Има таков народ“ и да ги браниме бугарските, а не странските интереси. Мислам дека руското влијание навлезе овде“, рече бугарскиот премиер во заминување.

Тој рече дека има една работа во која власта не погрешила, а тоа е одлуката да не отстапи од принципите и ветувањата што ги дале. За лидерите на опозициските партии, Бојко Борисов и Слави Трифонов, Петков нема убави зборови.

„Трифонов е историја, тој никогаш повеќе нема да има можност да направи политичко движење без да лаже толку многу луѓе. Луѓето видоа како неговите зборови се претворија во лага“, рече Петков.

Тој му порача на поранешниот бугарски премиер Борисов дека ќе го стигнат гревовите од минатото.



Спонзорирани линкови

Маркетинг