Соопштено е дека војската не воспоставила комуникација со непознатите летала, ниту пак пукала во нив.
Претставниците од воено-безбедносните кругови сведочеле пред Конгресот во САД и прикажале нови видеа од неидентификувани летечки објекти. Станува збор за првото сослушување за феноменот НЛО во последните 50 години.
Материјалот го изнел Скот Бреј, заменик-директор на службата за разузнавање на маринците во САД, а зборувал и Роналд Молтри, претставник од Министерството за одбрана кое ја надгледува работата на групата за идентификација на воздушните објекти.
Едно од прикажаните видеа забележано е во 2019 година, а направено е од воен брод, со помош на ноќен двоглед и SLR камери.
Гледаме „објект во вид на триаголник“ со трепкачки светла, кој подоцна бил забележан на целосно друга локација.
Bray shows another Navy UAP observation video captured "several years ago," taken through night vision goggles that shows "what appears to be triangles flashing:" pic.twitter.com/QAyTfk670Y
— Michael Sheetz (@thesheetztweetz) May 17, 2022
„Аналитичарите се сомневаат дека станува збор за дрон“, изјавил Бреј, додека пак необичниот облик најверојатно е последица на ноќното снимање низ леќите на SLR камерите.
Второто видео забележано било минатата година од кабината на борбен авион, пренесува „CNET“.
Необичната сфера на небото се гледа во дел од секунда, па тешко е да се донесат било какви заклучоци.
„Во многу од случаите имаме уште помалку информации од ова. Забележани се неколку примери каде не можевме да идентификуваме или пак да ги објасниме маневрските способности на НЛО“, изјавил Бреј.
Deputy Director of Naval Intelligence Scott Bray shows a recent pilot's UAP observation.
— Michael Sheetz (@thesheetztweetz) May 17, 2022
"In many cases, that's all that [an observation] report may include." pic.twitter.com/6D1WcNYmsq
Сослушувањето во Капитол Хил било организирано 11 месеци од основањето на Групата за идентификација на воздушни објекти и синхронизација на управување.
Скот Бреј истакнува дека специјализираниот тим поседува база со податоци со над 400 извештаи. Тој додал дека војската никогаш не успеала да воспостави комуникација со непознатите летала, ниту пак да пука во нив.
Претставник од Министерството за одбрана, Роналд Молтри, објаснил дека специјализираната група има за цел да „ја елиминира култната стигма околу НЛО“ и да ги идентификува на „методичен, логичен и стандарден начин“.
Покрај новите видеа, Конгресот во САД и светската јавност не дознале премногу информации за феноменот кој со децении го привлекува вниманието.
Од друга страна пак, неименуван претставник тврди дека во Пентагон постојат поединци кои се трудат да скријат многу интересни информации од јавноста.
Експертот од разузнавачките кругови навел во интервју за „Politico“ дека споменатите својата мисија ја сфаќаат за многу сериозна.
„Тие го фетишизираат своето тајно друштво, но немаат никаква одговорност. Има група од нас кои ј познаваме оваа тема, а многу детали не се пријавени во Конгресот поради безбедносни причини“, изјавил извор за „Politico“.