Видео објавено од полкот „Азов“ наводно ги прикажува последиците од руски напад врз импровизирана болница во фабриката „Азовстал“ во Мариупол.
Во твитот се вели: „Внимание! Цела ноќ во воено-полската болница, која се наоѓа во кругот на фабриката ‘Азовстал’ во Мариупол и каде се наоѓаат ранетите бранители, Русите масовно фрлаа тешки бомби способни да пробијат каква било бетонска одбранбена структура“.
‼️Увага!!! Цілу ніч на військовий польовий шпиталь, що знаходиться на території заводу "Азовсталь" в Маріуполі і де перебувають поранені захисники, росіяни масово скидали багатотонні авіабомби, здатні пробити будь-які бетонні захисні споруди.?? pic.twitter.com/nMNCevxzCv
— АЗОВ (@Polk_Azov) April 28, 2022
Каналот „Скај њуз“, кој го пренесе видеото, не бил во можност независно да ги потврди овие тврдења.
Видеото што го објави „Азов“ прикажува драматични сцени. Според она што „Азов“ го објави, на снимката се гледаат ранетите внатре во „Азовстал“.
Заедно со многубројните војници, според тврдењата, во бункерите на фабриката има и околу 1.000 цивили.
Агенцијата „Ројтерс“ пренесе соопштение од кабинетот на претседателот на Украина, Володимир Зеленски, според кое за денеска е планирана операција за евакуација на цивили од фабриката за челик во Мариупол.
