Од вкупното резидентно население во земјава (1.836.713), 847.390 жители се изјасниле за православни, а 590.878 жители се изјасниле за муслимани, покажуваат резултатите од Пописот 2021.
На третото место (242.579) се лицата кои се изјасниле за христијани, но веројатно не се изјасниле ниту за православни, ниту за протестати, ниту за католици…
Потоа, најмногубројни се евангелско протестантските христијани (8.764), па католиците (6.746), агностиците (1.964), протестантите (1.313).
Интересно е тоа што конечните резултати од пописот прикажуваат релативно мал број на атеисти коишто живеат во земјава (355), но затоа, пак, будисти се 894 лица, Харе Кришна се 96 лица, баптисти се 70 лица.
Во земјава постојат и граѓани кои го употребиле правото и слободите и се изјасниле дека се марсовци и џедаи според националност.
