Легендарниот боксер Мајк Тајсон во животот се нашол во мал милион необични ситуации, а една од нив се случила неодамна во Холивуд.
Тајсон посетил еден од клубовите каде се одржуваат стенд ап комедии, а никој не можел да ја предвиди сцената што се случила.
За време на еден од настапите, еден човек се приближил до масата на која седел Тајсон и го повикал на тепачка за да си го „крене рејтингот“.
Тајсон не реагирал, а потоа сопственикот на клубот пришол да го тргне непоканетиот гостин од боксерската ѕвезда.
Но, момчето потоа извадило пиштол, но дури и тогаш Тајсон не се мрднал од столот.
Набрзо ситуацијата се смирила, а потоа момчето објаснило дека само се шегува и дека е голем фан на Тајсон.
„Те сакам, човече. Честитки за твоите достигнувања, да не беше ти никој од нас немаше да има инспирација“, му рекол обожавателот, по што Тајсон станал и го прегрнал.