Регулаторната комисија за енергетика и водни услуги на Република Северна Македонија донесе Одлука со која се врши намалување на малопродажните цени на нафтените деривати во просек за 0,50% во однос на одлуката од 17.03.2022 година.
Малопродажните цени на бензините ЕУРОСУПЕР БС-95 и ЕУРОСУПЕР БС-98 и на ЕУРОДИЗЕЛ (Д-Е V) и Екстра лесното масло за домаќинство (ЕЛ-1) нема се менуваат по полноќ.
Малопродажната цена на Мазутот М-1 НС се намалува за 1,362 денар/килограм и сега ќе изнесува 53,159 ден/кг.
Цените нафтените деривати од 00:01 часот по полноќ ќе изнесуваат:
Моторен бензин ЕУРОСУПЕР БС – 95 79,50 (денари/литар); Моторен бензин ЕУРОСУПЕР БС – 98 81,50 (денари/литар); Дизел гориво ЕУРОДИЗЕЛ БС (Д-Е V) 76,00 (денари/литар); Масло за горење Екстра лесно 1 (ЕЛ-1) 72,50 (денари/литар); Мазут М-1 НС 53,159 (денари/килограм).
