Македонија игра извонредно добро на домашен терен во Скопје, бидејќи на теренот на кој падна и големата Данска, денеска во финишот потклекна и Романија.
Гостите предводени од искусниот Чави Пасквал „покажаа заби“ и ја стопија нашата предност во второто полувреме, но дури кога дојдоа на минус еден и имаа напад за реми, пристигна најдобрата игра од нашите ракометари предводени од капитенот Кирил Лазаров.
Кире беше задолжен за давање инструкции и на 13 минути пред крајот имавме само еден позитива, по што следеше грантина игра во одбрана и ракометна симултанка од Филип Талески.
Ракометарот на Вардар одигра еден од најдобрите натпревари во репрезентацијата и ги уништи Романците во последните десетина минути, во кои дадовме дури девет гола, а примивме само два.
На крајот, Македонија на одличен начин го започна баражот за Светското првенств, па со предност од 30:22 ќе патува на гостувањето во Букурешт во Романија.
Талески беше најефикасен и постигна 10 гола во уверливата победа, додека капитенот Лазаров и Кузмановски постигнаа по седум погодоци.
