Норвежанецот Александер Омод Килде ја продолжи својата доминантна сезона во брзинските трки, триумфирајќи на домашната супер-џи трка во Квитфјел за да го потврди малиот кристален глобус во дисциплината, односно победата во генерален пласман.
29-годишниот Килде, кој беше шампион во генерален пласман од СК во 2019/20, немаше среќа минатата зима кога го повреди коленото во јануари, но оваа сезона се врати со седум победи во брзинските трки, вклучувајќи ги и легендарните спустови во Венген и Кицбил.
На домашен снег, Килде ги победи Канаѓанецот Џејмс Крофорд за 0.07 секунди и Австриецот Матијас Маер за 0.11 секунди, за да собере вкупно 480 поени во супер-џи, 130 пред Маер на само една трка пред крајот на сезоната. Килде е втор во генерален пласман во СК со 1050 поени, зад лидерот, Швајцарецот Марко Одермат со 1.240 поени. Одермат не ја заврши трката.
