Пред неколку дена Министерството за правда подготви промени на Законот на граѓанска одговорност на граѓаните, во кои се наведува дека ќе има санкции и за негативно мислење, што порано се нарекуваше вербален деликт и беше укинат по крајот на социјализмот.
Ова предизвика бурни реакции од јавноста, но и од претставници на правната фела.
„Новиот предлог да се одговара за навреда и за „негативно мислење“ не е ништо помалку од цензура на мала врата! Јас можам да напишам дека Владата не работи добро – оп тужба за навреда. Комшијата има лоша фризура – оп навреда. Кои латентни нацисти сте Вие!“, пишува за предлогот на владата адвокатот Јанаки Митровски.
Новиот предлог да се одговара за навреда и за "негативно мислење" не е ништо помалку од цензура на мала врата! Јас...
Posted by Janaki Mitrovski on Saturday, February 5, 2022
За предлогот реагира и адвокатот Александар Тортевски и иронично порачува:
„Само фалете ја власта дека ве усреќува и нема никогаш да ве тужат за клевета“.
Само фалете ја власта дека ве усреќува и нема никогаш да ве тужат за клевета. pic.twitter.com/QJc3oWdhzR
— Aleksandar Tortevski (@atortevski) February 5, 2022
По жестоките реакции, Министерството за правда ја информира јавноста дека формулацијата во однос на предлог Законот за граѓанска одговорност каде за навреда се одговара и за „негативно мислење“, е грешна формулација за што ќе се интервенира веднаш во амандманската расправа.
„Целосно ги поддржуваме новинарски слободи и права и сите закони ги носиме заедно со здруженијата, а во интерес на објективното и слободното информирање“, се вели во соопштението на Министерството за правда.
