Ловоровиот лист е богат со бројни минерали, како манган, железо, бакар, магнезиум, селен, калциум, но и витамини од групата Б, а сето тоа што го наведовме досега поволно влијае на работата на метаболизмот, но и на нервите и мускулниот систем.

Нашите баби со причина ставале ловоров лист во јадењата, а ги знаеле и неговите лековити својства.

Ловоровиот лист помага при мачнини, умор, го регулира шеќерот во крвта, го забавува стареењето, смирува, а особено е делотворен при стимулирање на дишните патишта затоа што помага да се исфрли слузта од белите дробови.

Чајот од ловоров лист е одличен како лек против сите видови на кашлица и делува смирувачки на слузницата на грлото и душникот.

Како да подготвите чај од ловоров лист?

Состојки:

- 2,5 децилитри вода

- 4-5 ловорови листа

Подготовка:

Ставете ги листовите во тенџере, прелијте ги со ладна вода, оставете сето тоа да зоврие и варете 5 минути.

Оставете го чајот поклопен со капаче уште 10 минути, па процедете.

Листовите се многу ароматични, горки и со јак вкус, па во чајот може да си додадете мед или лимон по желба.