Во лабораторија во Англија било прекинато тестирањето на коронавирус откако се појавиле сомнежи дека околу 43.000 лица можеби добиле неточни резултати.
Истрагата е покрената откако се појавиле информации за лица кои добиле негативни резултати на ПЦР тестот во лабораторија во Вулверхемптон, откако претходно биле позитивни на уредот со кој се спроведувал тестирањето.
BREAKING: #COVID19 testing has been suspended at a private laboratory in Wolverhampton after an estimated 43,000 people were given incorrect results.
— Sky News (@SkyNews) October 15, 2021
Read more here: https://t.co/PWzLAVtFCV pic.twitter.com/4B2m8JZc95
Се проценува дека во таа лабораторија биле спроведени 400.000 тестови и дека околу 43.000 лица добиле неточни резултати во период од 8 септември до 12 октомври.
„Во рамки на нашата истрага, соработуваме со компанијата „NHS Test and Trace“ за да ги утврдиме лабораториските технички проблеми кои довеле до тоа луѓето да добијат неточни ПЦР резултати“, изјавил Вил Велфер од британската Агенција за здравствена безбедност.
Од клиниката во чија лабораторија се откриени погрешните резултати велат дека во целост соработуваат со Агенцијата.
