Новата сезона во Серија А веќе започна и првите две кола донесоа некои интересни резултати при што сега имаме пет екипи со максимален учинок и пет клубови кои се на „нула“.
Секако допрва ќе има разврска, кулминација, односно има уште многу да се игра, но тоа не е проблем сега да се направи една прогноза, да се соопшти став за очекувањата. Славниот италијански напаѓач, Кристијан Бобо Виери го сподели своето размислување и го стави Интер во пол позиција за Скудетото, позиција до која дојде поради тоа што Јувентус го загуби Кристијано Роналдо.
- Кој ќе го освои Скудетото? Пред да си замине Роналдо велев: Јувентус е силен, силно ќе нападне. Сега го става Интер во пол позиција. Не сум убеден кога слушам говори во кои велат дека Дибала, Мората и Кеиза сега ќе дадат повеќе.
- Кога Роналдо ќе замине, нема подобар избор, некој друг ќе мора да ги постигне головите што ги даваше. Кен? Не верувам, ама мора да му судите по крјаот на првенството, -вели Виери кој смета дека Интер заврши добра работа со ангажманот на Един Џеко како замена за Ромелу Лукаку.
- Лукаку е незаменлив, но Интер го зеде Џеко: ја нема истата физичка моќ, постар е шест години, но е технички напаѓач, највисок квалитет, постигнува голови и прави тимот да игра добро. Не можете да најдете наследник на Лукаку, но можете да се обидете да го замените и Интер добро се снајде со Џеко, - заклучи Бобо.
