Снимка на лице кое со митралез влегува во објект во местото Кадино Врело во Босна и Херцеговина и пука во затворена просторија го обиколи регионот.
Имено, пред два дена во Кадино Врело е одржана забава, а како што пренесуваат босанските медиуми, наводно станувало збор за прослава во угостителски објект по повод 18-ти роденден.
Во објектот луѓето слушаа музика и се забавуваа, се додека во просторијата не влезе лице и извика „гаси ја музиката“. Во рацете држеше митралез, а веднаш по влегувањето започна да пука.
Случајот бил пријавен во полиција, а босанските медиуми пренесуваат дека лицето е уапсено, а во инцидентот нема повредени.