Министерот за здравство, Венко Филипче, објави фотографии од фрижидерите за чување на вакцините на својот Фејсбук профил и извести дека тие се подготвени.
„Фрижидерите за чување на вакцините од Фајзер се подготвени. Обучен и подготвен е техничи персонал кој ќе го следи нивото на температурата и запазувањето на сите стандарди“, објави утрово министерот.
Фрижидерите за чување на вакцините од Фајзер се подготвени. Обучен и подготвен е техничи персонал кој ќе го следи нивото на температурата и запазувањето на сите стандарди.
Posted by Венко Филипче on Saturday, February 13, 2021
Фотографиите се објавени 2 часа пред тој да замине на граниничниот премин Табановце каде Србија нѝ предаде 4680 вакцини „Фајзер“ од вкупно 8000.
Првите вакцини ќе бидат наменети за здравствените работници.
Покрај оваа пратка се очекува и испорака на 200 илјади дози вакцини од Кина, за кои е потпишан договор во понеделникот.
