Лукашенко: Светот повторно е на работ на неконтролирана трка во вооружување

Макфакс

02/12/2020

12:57

309

Големина на фонт

а а а

Белорускиот претседател Александар Лукашенко изрази загриженост во врска со зголеменото воено присуство на САД и на НАТО во близина на западните граници на Организацијата на договорот за колективна безбедност (ЦСТО), пренесува „Спутник“.

Лукашенко посочи дека светот повторно е на работ на неконтролирана трка во вооружување. Тој нагласи дека е особено загрижен поради дополнителното распоредување на американските трупи во Полска и плановите на земјата да создаде нови воени инфраструктурни објекти.

„Јасно гледаме дека системските воени настани стануваат сè почести на територијата на оваа земја и на балтичките нации“, додаде Лукашенко.

Тој предупреди дека метата не се само белоруските национални интереси.

„Треба да ги земеме предвид изјавите на НАТО за развој на некој нов стратешки концепт токму во овој контекст. Верувам дека сите разбираат против кого и против што ќе бидат насочени“, заклучи Лукашенко.



Спонзорирани линкови

Маркетинг