Јупитер и Сатурн во положба која не е видена од средниот век! Нова прилика дури во 2080-та година!

Точка

26/11/2020

10:45

2.212

Големина на фонт

а а а

Кога Сонцето ќе зајде на 21-ви декември, на денот на зимската краткоденица, луѓето кои ќе погледнат во небото ќе имаат можност да ги видат Јупитер и Сатурн поблиску еден до друг, отколку што било кој жив денес може да ги види.

Тоа ќе биде првпат таква сцена да се појави после речиси 800 години, пренесува „Indipendent“.

Порамнувањето на движењето на овие две планети многу ретко се случува, а планетите ќе изгледаат многу блиску една до друга, се вели во изјавата на астрономот Патрик Хартиган од Универзитетот Рајс.


Таква сцена последен пат била видлива од Земјата на ноќното небо на 4-ти март, 1226-та година, изјавил тој.

Приближувањето на двете планети трае уште од летото.

Кога ќе биде достигнат врвот, помеѓу 16-ти декември и Божиќ по грегоријански календар, оддалеченоста помеѓу нив ќе биде помала од ширината на полната Месечина.


Во текот на вечерта на 21-ви декември тие ќе изгледаат како една двојна планета, одделена една од друга само за една петтина од дијаметарот на полната Месечина, рекол професорот Хартиган.

Сите кои ќе ја пропуштат оваа астрономска појава, ќе имаат прилика да ја видат во 2080-та година. После тоа, нема да има друга можност до после 2400-та година. 



Спонзорирани линкови

Маркетинг