Поради голем дефект, без вода ќе остане поголем дел од Скопје

Макфакс

19/10/2020

17:15

2.123

Големина на фонт

а а а

ЈП „Водовод и канализација“ – Скопје извести дека како разултат на голем дефект на бул. Кочо Рацин, спроти Олимписки базен, голем дел од корисниците од град Скопје ќе имаат прекинато водоснадување или намален притисок.

Ова ќе ги опфати населбите: Центар, Аеродром, Кисела Вода, Лисиче, Ново Лисиче, Припор, Сопиште, Ракотинци, Добри Дол, Драчево, Пинтија, Моране и Студеничани.

ВАЖНО ИЗВЕСТУВАЊЕ

ЈП Водовод и канализација – Скопје ја известува јавноста дека како разултат на голем дефект на бул....

Posted by ЈП Водовод и канализација Скопје on Monday, October 19, 2020

Имајќи ја предвид природата на дефектот, кој е од големи размери, ЈП „Водовод и канализација“ – Скопје во соработка со ЈП „Комунална хигиена“ обезбеди цистерни со техничка вода кои ќе циркулираат во овие делови на градот. За локациите на цистерните, граѓаните треба да се обратат до Дежурно-информативниот центар на телефонскиот број 02 3073 010.

„Замолуваме за трпение и повикуваме на разбирање од страна на граѓаните во овие делови на град Скопје. Воедно уверуваме дека тимовите на ЈП ‘Водовод и канализација’ – Скопје непрекинато ќе работат со цел брзо отстранување на дефектот и нормализирање на водоснадувањето“, се наведува во соопштението.



Спонзорирани линкови

Маркетинг