Во последните 24 часа, во Хрватска се евидентирани 311 нови случаи на коронавирус и четворица починати пациенти од последици на Ковид-19.
Како што беше објавено на прес-конференцијата, вирусот во моментов е активен кај 2.566 лица, а од почетокот на епидемијата се регистрирани 10.725 случаи.
Вкупно 175.346 лица биле тестирани од почетокот на епидемијата, а 4.122 лица во изминатите 24 часа.
На болничко лекување се 258 лица, а 14 се приклучени на респиратори.
Закрепнаа 7.968 луѓе.
Четворица починале, а вкупно 191 пациент од почетокот на епидемијата.
Воведени се нови мерки во Пожешко-славонската Жупанија – свадбените церемонии и приватните собири се ограничени, изјави шефот на Националниот штаб и министер Давор Божиновиќ.
