Синоќа околу полноќ од МВР добиле пријава за пукотници на улицата „Шамак“ во скопско Инџиково.
Според неофицијални информации, две вооружени лица маскирани во фантомки влегле во куќата на 49-годишен жител И.А. кој во својот дом бил со својата сопруга.
Двете лица биле вооружени со пиштол, а откако упаднале, во куќата, И.А. заедно со сопругата го легнале во ходникот, по што му побарале пари.
„Вооружените лица им побарале пари, откако сопственикот им кажал дека нема пари и дека има само возило џип во дворот и дека може да го земат, едно од лицата истрелал од пиштол кон него и го погодил во главата, по што починал“, пренесува „Алсат“.
Во куќата во скопско Инџиково имало и други роднини, а двете маскирани лица побегнале во непознат правец.
