Како што пренесува „БиБиСи“, првата експлозија се случила во близина на крајбрежјето, а потоа следувала уште една, масивна експлозија која практично го потресе целиот град.
Моќната експлозија предизвика голема паника помеѓу населението, во радиус од километар се искршени прозорците на околните објекти, а темен чад го обви местото на експлозијата. Неколку згради се целосно срушени и се верува дека има и голем број на граѓани кои се затрупани под рушевините.
Според првичните информации, експлозијата е резултат на инцидент на пристаништето, а повеќе детали не се познати, освен тоа дека во близина имало фабрика за пиротехнички средства во кои биле складирани запаливи супстанци.
Footage of the aftermath. Local Red Cross reporting hundreds injured, authorities asking people to clear the roads. https://t.co/7Bl2Znq8X6
— Tobias Schneider (@tobiaschneider) August 4, 2020
Либанскиот министер за здравство веднаш се огласи и ги повика сите болници во престолнината да бидат подготвени за примање на повредените.