Екипата на Вардар 1961 ги дозна ривалите за новата сезона во Лигата на шампионите.
Актуелниот европски шампион се најде во групата А каде за ривали ќе ги има ПСЖ кој беше во првиот шешер, тука се старите добри познаници Кјелце, Пик Сегед и Мешков Брест, како и Порто од Португалија, Елверум од Норвешка и бундеслигашот Флензбург.
На другата страна, групата Б ќе видиме соочувања на Дејан Манасков и Кире Лазаров, односно освен Веспрем и Нант тука се Барселона, Кил, Алборг, Мотор Запорожје, Целје и ППД Загреб.
These are the groups for the #ehfcl 2020/21 ⭐👊 pic.twitter.com/fDeeToK6v6
— EHF Champions League (@ehfcl) July 1, 2020
Групната фаза започнува на 16- ти и 17-ти септември, додека ќе заврши на 3-ти и 4-ти март.
„Ова е тешка група во која секој може да победи секого. Ќе се игра добар ракомет, ќе може да се проследат бројни квалитетни пресметки. Вардар е актуелен европски шампион и ќе се однесуваме така на терен, можам уште сега да кажам дека нема да прецениме, ниту да потцениме ниту еден ривал“, истакнал Алушовски за „ЕКИПА“.